CopyrightÓ 2008 NETMASTY.COM All Rights Reserved.
Main Menu
Mujh ko kehne do ke mein aaj bhi jee sakta hoon
Ishk nakaam sahi, zindagi nakaam nahi
Un ko apna-ne ki khawaaish, Unhe paane ki talb
Shauk bekaar sahi, sa'i-gam anjaam nahi
Wahi ghesoo wahi nazar wahi aaridh wahi jism
Mein jo chahoo ke mujhe aur bhi mil sakte hai
Woh kawal jin ko kabhi un ke liye khilna tha
Un ki nazrooo se bahut door bhi khil sakte hai
Aata hai yaad mujhko guzraa huwa zamaana
Woh baag ki bahaare woh sab ka chechahana
Azaadiyaa kaha woh ab apne ghosle ki
Apni khushi se aana, Apni khusi se jaana
Lagti hao choot dil par, Aata hai yaad jis dam
Shabnam ke Aasuoo par Kaliyoo ka muskuraana
Woh pyaari pyaari surat, woh kaamini si murat
Aabad jis ke dam se tha mera Aashiyaana
Aati nahi Sadaayee us ki mere kafas mein
Hoti meri rihaahi ay kaash mere bas mein
kya bad-naseeb hoo mein Ghar ko taras raha hoon
Saathi to hai watan mein, mein kaid mein pada hoon
Aayi bahaar, kaliya phoolo ki has rahi hai
mein is andhere ghar mein kismat ko ro raha hoon
Is kaid ka Ilaahi, dukhda kise sunaoo
dar hai yahee kafas mein, mein gam se mar na jaooo
Jab se chaman choota hai yeh haal ho gaya hai
Dil gam ko kha raha hai, Gam dil ko kha raha hai
Gaana ise samajh kar khush ho na sun-newale
Dukhe huwee diloo ki faryaad, yeh sada hai
Azaad mujh ko kar de O kaid karne wale
Mein bezoobaa hoon kaidi, mujhe choodh kar dua le !
BAYAAn MEIN NUKTA-E-TAWHEED AA TO SAKTA HAI
TERE DIMAAG MEIN BUT-KHAANA HO TO KYA KAHIYE
MAKAAM-E-FAKR HAI KITNA BULAND SHAHII SE
RAVISH KISI KI GADAAYAANA HO TO KYA KAHIYE
Na Sarkaar mein kaam paane ke kabil
Na Darbaar mein lab hilaane ke kabil
Na Jungle mein revad charaane ke kabil
Na baazar mein boojh uthane ke kabil
Na padhte to sau tarah khaate kamaa kar
Woh khoyee gayye aur taalim paakar
Jo poochoo ke hazrat ne jo kuch padhaa hai
Muraad aap ki is ke padhne se kya hai
Mafaad is mein dunya ka ya deen ka hai
Natijaa koi yaa ke is ke siwa hai
To majzoob ki tarah sab kuch bakenge
jawaab is ka laikin na kuch de sakeenge.
FAIZ-AHMED-FAIZ.
Raaz-e-Ulfat chupa ke dekh liya
Dil bahut kuch jalaa ke dekh liya
Woh mere ho ke bhi mere na huai
Un ko apna bana ke dekh liya
Aur kya dekhne ko baaki hai
Aap se dil laga ke dekh liya
Faiz, takmeel-e-gam bhi ho na sake
Ishk ko Aazma ke dekh liya
KYA SHEIKH KI KHUSHK ZINDAGANI GUZRI
BECHAARI KI EK SHAB NA SUHAANI GUZRI
DOZAK KE TAKHAYYUL MEIN BUDHAAPA GUZRA
JANAT KI DUAAOO MEIN JAWAANI GUZRI.
Doston sey Poocho !
Meray dard ki kahani meri hasraton sey poocho,
Mein luta hoon kaisey meray doston sey poocho,
Jo khuda tha meray dil ka,mera dil usi ney tora,
Yeh ghamo ki sarhadon par mujhey kis ney la chora,
Ussey mein ney kitna chaha dharkano sey poocho,
Mein luta hoon kis tarah meray doston sey poocho,
Yeh saza meray naseeb ney dee meri aashiqui ki,
Diya jis ko dil ussi ney meray dil sey dillagi ki,
Mein kahan kahan jala hoon meri hasraton sey poocho,
Mein luta hoon kis tarah meray doston sey poocho.